لوووويه وعساها على خير يا ربي .....ء
متنا من اللويه يا رب شنو بنلحّق عليه ؟؟ لويه مع اليهال ومدارسهم
ولا لوية الزيارات حق نبارك للشهر ومع هالزحمه الفضيعه
يضيع اليوم وما رحت الا بيتين ... ولا لويتي مع طاقم الخدم الجديد
ولا طلبات" راج" الطباخ اللي ما تخلص ذابحني في رمضان بالمصاريف الزايده
السايق يروح الجمعيه في اليوم خمس مرات او اكثر
وما يخلص من طلباته اللي كل ساعه طالبها لو عندنا مطعم ما خلصت ماجلتنا بهالسرعه الخياليه
حسبي الله عليه عطب ميزانية الشهر... فقررت بعد التوكل على الله اني اروح
الجمعيه بروحي لتسلية الصيام مثل اغلبية الكويتيين
ويا ليتني ما رحت حاشتني مغثات كثيرات خلتني احرم اروح
جمعيات... و جني ذبحتكم بدليات؟؟!!؟؟
المغثه: الابو واقف مع عياله الاثنين بنت وولد اعمارهم على ما اعتقد بين الاربع والست سنوات مو اكثر
قاعدين يترجون الوالد المصون المجرم المينون انه يشتري لهم بفك والاخ ومزاجه المتعكر مع الصيام مو راضي
زادت حنة اليهال وما وعيت الا ذاك الطرااااق على ويه الولد
كسر يكسر ايدك تطق ياهل بو ست سنين طراااااق
حسبي الله عليك سبع التحاسيب
الله لا يوريكم ويه الياهل وويه اخته
انا من الحره قعدت ابجي على منظرهم
اذا مالك خلقهم شحقه تطلعهم ؟؟؟
واااااااي ما تتخيلون شكثر اكره اي احد يطق الياهل طراق
احس انه يهينهم و يجرح كرامتهم
تكدرت وتعكر مزاجي طول اليوم وبس اتذكر ويه الياهل ابجي وابجي
يعني بالنهايه انقلب يومي فيلم هندي
إنما أولادنا بيننا أكبادنا تمشي على الأرض
لو هبت الريح على بعضهم لامتنعت عيني عن الغمض
الله يخليكم حطوا بالكم عليهم ولا تصيرون عنيفين عليهم وطولوا بالكم
واللي ما يقدر يتحمل يهال لا ييبهم وعقب يعقدهم في حياتهم
12 comments:
كسر انشاله
كل شي ولا طقت الياهل
وعليه .. ليش جذي عاد
والله صاجه مالك خلقهم شكو مطلعهم
حرام توه ياهل وبعدين الطق اشبيسوي فيه
آنه اللي قريت الموضوع اخنقتني العبره
:(((
انتي وعليه اللي شفتي الموقف جدامج شصار فيج
حسبي الله ونعم الوكيل !؟
اييي لييييييييييش يايبهم معاااااااك الجمعية دامك ماتبيهم يشترون شي ياااامااااااااال الدقم اللي يدقمه ان شالله !
حسبي الله ونعم الوكيل
مال الطراق على ويهه عشان يحس شلون يعور
استغفر الله
انا ماحب اللي يطق اليهال خصوصا جدام الناس
تلاقين عيون الياهل اطالع يمين وشمال من الفشله
ويحمر الويه ويبلع بجوته المسكين يعني مو متعور
اي والله يامال الدقم
اف
حريتيني
حمودي :
******
انا وايد احتريت وانبطت جبدي منه
++++++++++++++++++++++++++++++++
نسكافيه :
*********
شفتي شلون يا نسكافيه انا لو طاقني هالطراف وانا مره ام عيال جان تعقدت وانشليت وصرت طرمه بعد شحال هالياهل الصغيرونو
++++++++++++++++++++++++++++++++
ريلاااكس :
**********
اسم الله عليج لا حبيبتي لا تخنقج العبره انا كل ما اتذكر الموقف تجيني البجوه
دقام يدقمه الف مره وحسبي الله عليه الف مره وااايد حارني وقاهرني
++++++++++++++++++++++++++++++++++
كويت دول :
***********
حسبي الله عليه الف مره
جان زين احد يطقه طراق علشان يعرف شلون تأثيره , صاجه قام يتلفت يطالع دار مداره الياهل عوااااار قلب
اسم الله عليج من الحره حبيبتي
مبارك عليج الباجي من الشهر
الله يعينج على اللووووووووووية
تدرين لو هالمتخلف مسوي الحركة اللي سواها مع ولدة بكندا
جان ما يرده الا مخفر الشررررررررررررطة
عمة بعييييييينه
شي يقهر ويحر
هالريال ما استحى من الناس
أكيد بيسوي جذي مع اعياله
الله يعينهم عليه
وي يا بعد قلبي قلبج على هاللويه
والحين تناصف االشهر وقرقيعان
الله يعينج يارب
:)
وصاااجة انا اكره ما علي جذي
تدرين انا سمعت انه مكروه الطق على الويه
!!
فتخيلي ياهل
وعلى ويهه
ومن منو ابوه
واي الله يسامحه بس
مو حاس بنعمه الذريه والله
:(
فانكوفر:
*********
علينا وعليج انشالله , يا ليت عندنا نفس هالقانون علشان يؤدبونه حارني وباط جبدي , اي والله عمى بعينه وكسر يكسر ايده
+++++++++++++++++++++++++++++++
الدنيا:
*******
صاجه يالدنيا حرتي للحين بقلبي على الياهل والله يعينهم عليه
+++++++++++++++++++++++++++++
استكانه:
********
يا بعد عمري مشكورة وايد على تعاطفج وياي في لويتي , انا اعرف انه يسبب الخداي للياهل ويعقده , الله يهداه ويصلحه لهم والله يعينهم عليه
صاجه والله مو حاس بهالنعمه
صادقتي والله العظيم صدقتي! إذا مالكم خلقهم...لا تييبونهم
أول قراءة لسويلفاتج ويا حلوها من سوالف***
منظر مؤلم الظاهر الابو وهو صغير كانوا ينومونه بطراق ويقعدونه بطراق
بس سؤال
من وين مطلعه
حسبي الله عليك سبع التحاسيب
يالله ياسويلفاتي اتحفينا بجديدج
رمضان وقضى .. والعيد وخلص ==> يعني قضى غير عن خلص ؟ ;p
والله داشه اعايدج ولو انها متأخره وأسأل عنج لأن ولهنا عليج ترى !
Post a Comment