قاعدة مع مجموعة ظريفة من الستات والبنات نسولف سويلفات
وكانت سويلفاتنا عن الناس اللي كل همها تشوف شنو اللي عند الناس الثانيين
ومن وين لهم ؟؟وشلون سووا؟؟ وشلون حطوا؟؟ ومن هالاسئلة اللي مالهم شغل فيه ولا سالفة
فقلت اخلي سويلفاتي اليوم عن هالموضوع البايخ الدايخ
مثال واقعي :-ء
وحدة من صديقاتي الغاليين فتحت سيارة كشخة وحلوة الله يهنيها ويتني الدوام توريني اياها
وطلعت معاها اشوفها ولما رجعت يتني وحدة من الزميلات وعلامة استفهام كاملة على ويهها
الزميلة: بجم شرت سيارتها صديقتج؟
انا : والله ما ادري انتي شفتيها؟
الزميلة : اي شفتها انا كنت مستأذنة وانا داخلة شفتها
انا : حلوة ما شاء الله السيارة توها الله يحرسها مطلعتها من الكراج
الزميلة : من وين لها فلوس تشتريها؟؟ انا خابرتهم على قد حالهم
انا: ؟؟؟!!!؟؟؟!!!؟؟؟ بايقتهم منج اشرايج؟
الزميلة : صمت
وعساها ما تتحجى عمرها
عاد هذي سالفة ؟؟؟ شعليج منها من وين لها؟
كيفها يمكن اقساط يمكن هدية يمكن اي شي احنا شعلينا منها
شعليكم من الناس يا جماعة ؟؟؟ دعوا الخلق للخالق وكل واحد يحط حيله في نفسه
شعلينا من الناس وشعلى الناس منا
دعوا الخلق للخالق والله يستر على الجميع
وعلى قولة المثل العالمي" من راقب الناس ماتت امه" ولا اشرايكم؟؟؟؟

22 comments:
حسبي الله ونعم الوكيل
لوما الحسد ما مات احد
الله يكفينا واياكم شره
واااي يستخسرون الشي عند غيرهم
على قولتهم الكعكه بإيد الفقير عجبه
زين تسوين فيها والله شاطره
وفعلا هالطبع أكرهه أكرهه
يعطيج العافيه
هذي من طقة الناس اللي يحسدون الفقير على موتة الجمعة
هههههههه
زين انج جعمتيها
لا الفقير والي على قد حاله مرتاح من عيون الناس
ولا الغني
ما ادري شنو راح يستفيدون اذا طالعوا هذا وذاك وراقبوا خلق الله
لأنهم باختصار :
ناااااااااااس !؟
--
هذي اول زياره لي وان شالله ماتكون الاخيرة ياام السويلفات ;)
:))))
بعد بتعيشين وتشوفين
اصلا الناس مو عايشه عيشتها
بس تدور على فلان وي سافر
فلان شنو شرى
خدامة فلانه زينه
بنت فلانه حلوة
ولد فلان شاطر
وعلان ترقى
وزفتان مرض
ولين يذبحون الريال ولا المره يالله يصدون ويبلشون بسيرة احد ثاني
الله يكفينا شرهم
حلوه سويلفاتج اليوم
سليمان:
********
شفت شلون مما يخلون الواحد بحاله
الله يحفظنا منهم ويقنعنا باللي عندنا
+++++++++++++++++++++++++++++++++
كويت دول:
**********
مو اكثر مني اكرهم بس هالنماين موجودة بكثرة سواء اغنيا ولا على قد حالهم وما اقول الا الله يكافينا شرهم
+++++++++++++++++++++++++++++++++++
فانكوفر:
********
اي والله صاجة وانا مو من طبعي التجعم
بس هالحسودة كان لازم تنجعم
بنت الكويت:
***********
هذا اللي ودي اعرفه؟ شنو يستفيدون من مطالع الناس؟ دعوا الخلق للخالق
+++++++++++++++++++++++++++++++++++
ريلاكس:
*******
مشكورة وايد على هالتسيورة الحلوة
اي والله انهم نااااااااااس
++++++++++++++++++++++++++++++++++
زوزوتا:
********
ياحسرتي شبشوف بعد اكثر من الهوايل اللي كل يوم اشوفها .الناس حتأطع بعضها يا دافع البلا
اللي يعيش ياما يشوف
مساج الله بالخير اخيتي الغالية سويلفاتي
هذي تخرع اللي وياج؟؟
لا تصك البنت عين و تودرها على هالسيارة
الله المستعان
ياااربي هالطبع كريه
يعني ليش جذي ليش
ياااالقافتهم
استمتعت بزيارتي وبسوالفج :>
مسكينه خل تسوي شي لا تخترب السايره من عينها
لوول استغفر الله الناس ما ترحم
يعني على اي شي يسؤلون و يحسدون و يطالعون
تخيلي وحده معاي بالدوام مسكينه انكسرت ريلها
الكل يقول شلون و ليش و اي يبختها الحين ماراح اداوم
تخيلي المره ريلها متكسره و متحروله بالبيت و هذيله حاسدينها على الاجازه الطبيه
بالله شتقولين بهالناس لووول
مينن
nice post sweetee...
salamz...
مساء الورد
:)
استغفر الله اعرف وحده كرهتها ولا قمت اقعد معاها مع انها وايد تحبنى
والسبه هالسالفه
بس مجابله الناس
والله فضيعه
لى درجه وصلت لى جريده الكويت اليوم تدرين ليش
تشوف من الى عندا فلوس ومن باع ومن شرا تخيلى
واذا سمعت بخطبه احد
راحت طلعت ممتلكاته لووووووول
مع انها لا اتعرف البنت ولا اتعرف الولد
انا ايينى القااامت ما اعبر
ما اقدر اجابلها
فلانه شرت وفلانه حطت وبس هذى عيشتها
مع ان مو قاصرها شى وريلها معيشها بخير ونعمه
:/
ماساة
ذكرتينى بعايشه اليحيى موضوعها كان يوم الخميس عن هالسالفه
وعن الى يطالعون الناس
والنفوس الشينه
موضوع كان وايد حلو
تسلم اييدج على هالبوست
والناس مشكاهم لله
ومن راقب الناس مات هما بعد
:)
براك:
******
صاج والله اللي يعيش ياما يشوف مع ان اللي شفناه وايد بس بعد بنشوف
++++++++++++++++++++++++++++++++
عثماني:
********
مساك الله بالخير, اي تخرع وتوني اكتشف فيها هالخصلة البايخة وهي فقط زميلة عمل فما عرفت هالسالفة الا الحين وانبطت جبدي منها لانها اكيد قاعدة تطالع اللي انا احطه او اسويه
وقمت كل يوم قبل الدوام اقرا المعوذات على نفسي
+++++++++++++++++++++++++++++++++
نسكافيه:
********
كريه وبس الا شي يبط الجبد , دم ضروسي بلاغة الشف و اللقافة واللي يطالعون الناس وتوني عرفت انها منهم
خروفة:
******
قلت لها تقرا على روحها والله يحفظها انشالله , شنسوي بهالناس الفاضية اللي ما عندهم شغل الا يطالعون الناس
مسكينة حاسدينها على كسرة ريولها
خل يجربون الالم اللي تحسه وخل يتمنونه
اي والله مينن ومشكورة وايد
كاريزما:
********
مساء الحديقة كلها
لا الله يعافيج تركيها عنج هذي بعد اكيد تطالعج انتي شعندج وما عندج
وبعدين ما عندها شغل؟ وصلت لحد تاخذ الاخبار من كويت اليوم والله فاضية
يحليلج انت من ربع اللي يسمعون عايشه اليحيى مثلي , احنا فتحنا الموضوع عن اللي قالته وتذكرت سالفة الزميلة
مشكورة وايد والله يسلمج
دااااشه أعلق قاعده أقول وييينج يا كاريزما
هاهاهاهاها
لقيتج معلقه
مشكلتي مع هالناس اللقافه شي واحد
ما أبرد جبودهم
كل أستغبي
هاااو صج؟؟؟
لاااا
والله ما أدري
هههههههههههه
ههههههههههه
عندي نمومه بالبيت
همها الحريم والرياييل
تفتح الجريده
هذا حطوه رئيس مجلس إدارة
هذا شرا
هذا وقع عقد
وااااااااااااااااااااي
ودي أعرف إشلون يثبتون
من ضمن لأشياء تستغربين منها
صديقات بنتي
وحده حاطه صورة أبوها و صورتها بالتيشيرته
تقوللي الأخت
هذا تعرفينمنو أبوها
إتعرفين منو عمها؟؟
قلت لها لأ
جان تعطيني قصه حياتها
و أنا ابنت 4 سنين صديقه بنتي وا مرة سألت منو الأبو أو شنو يشتغل
هاهاهاهاهاهاها
الأم أم فلانه و بس
عالم فاضيه
الله يبعدنا عنهم
الامثال ما انقالت عبط
من راقب الناس مات هما
:) وانا علشان جذى حدى مرتاح
إي والله من راقب الناس مات هما
وأحلى شي الدقرة
:)
للأسف ما يحدث احياناً هو نوع من الحسد والغيره ..!! وبما أننا مجتمع صغير فالحكي والكلام ينتشر ..!! ولا اعلم لماذا لا يهتم كل انسان بحاله وأحواله بدل ما يهتم بامور الناس الأخرين ..!! وكما قلتي "من راقب الناس مات هماً" وليس له ألا الهم والغم ..!!؟
ريما:
*****
زين ما سويتي فيهم
هذول الناس لازم نتعامل معاهم جذي ويالله يفيد فيهم
صاجة هذي الفضاوة وما تسوي
+++++++++++++++++++++++++++++++++
تو يو اول:
**********
هذا اللي ودي اعرفه علامهم ما يخلون الواحد بحاله
وعساهم بالهم والغم اللي اهما جايبينه لروحهم
++++++++++++++++++++++++++++++++++
دنا احوليت يا جماعه
طوفت 2 كومنت
السموحة يا مشاري ويا قصة خيال
++++++++++++++++++++++++++++++++
مشاري:
*******
صاج ما انقالت عبط
الله يرحهم من اللي هم فيه
++++++++++++++++++++++++++++++++
قصة خيال:
*********
لازم ندقر فيهم علشان ينتبهون للي يسوونه
Post a Comment